226 detailléiert Wuertkaarten am A3-Format
226 Wuertgruppekaarte mat Erklärungstexter
89 handgezeechent Illustratiounen
Etymonelëscht mat Wuertgeschicht

Päiperlek, Pimpampel oder Millermoler? Dësen zweete Band vum Sproochatlas 1900, de Wuertatlas, dokumentéiert déi lexikalesch Variatioun am Lëtzebuergeschen. An de 60er- a 70er-Jore vum viregte Joerhonnert ass den Alain Atten queesch duerch d’Lëtzebuerger an duerch d’Areler Land gezunn, fir gewuer ze ginn, wéi d’Leit, déi ëm 1900 gebuer waren, fir Honnerte vu Planzen, Déieren, Objeten an Handlunge géife soen. D’Kaarten, déi de Claude Schmit op Basis vun där Recherche erstallt huet, gi begleet vun Erklärunge vum Alain Atten an Illustratioune vum Patrick Hallé.